lirik lagu Betawi - Biyamin S

Salah Telepon

Halo halo halo 2 3 4 3 2?
Apa di sini rumenyé Siti Ruminé?
Halo émang betul, 2 3 4 3 2 (sayaaang)
Sudaré siapé mau ngomong amé siapé?

Duh masa’ iyé
Duh masa’ lupé
Emang sudaré siapé sih?
Tanya’-tanya’ Ruminé

Halo
Halo
Ruminé pacar abang yang boto
Halo
Halo
Ngga’ inget apé amé nyang semalem túúh

Idih konyol betul
Émangnyé disitu siapé?
Ko’ brani bener
Ngomong-ngomong perihal cinté

(Halow)
(Siapé si nih?)
(Alaaah, masa’ ngga’ inget suara abang)
(Siapéh?)
(Apé udé lupé waktu kité makan… juhi)

Bukan becandé
Ngga’ main-main
Sayé ngga’ kenal idiiih
Amé sudaré

Halo
Halo
Émang sayé…
(Amé siapé si sayé ngomong níh?)
Halo
Halo
Sayé enya’nyé Siti Rominé
(Hah enya’nyé?)

Aduh maap ajé
Pantesin suarényé samé
É terang samé
Sebab sayé émang enya’nyé

(Aduh bu’ )
(Maapin yé bu’ yéh )
(Tiada maap bagimu tau ngga’ lu)
(Aduh bu’ bu’ )
(Aduuh ngga’ dapet muké lagi gué dé níh)

(Halo)
(Halo)
(Sadel bener)
(Halo)


Belajar Bahasa Inggris

(Da’, lú bisa bahasa Inggris?)
(Hmm, bahasa harian guah)
(Aa sombong, coba gua tanya’)
(coba’)

I want to go itu apa?
Saya mau pergi
(good good good)
I want turu itu apa?
Sayé mau bobo’
(gelo’ gelo’)
I have a friend itu apa?
Sayé punyé temen
(bagus bagus bagus bagus)
You are a crazy girl apa?
(apé apé apéh?)
Sayé orang kaya’

(hahahahaaaa pinter pinter bodo lo yéh, hahah)
(iyé doong)

Memang kamu anak yang pinter
Pinter pinter cuman keblinger
Ngejawap asal ngejeplak
Lama-lama entar gua keplak

I don’t know apé artinya?
Saya kaga’ tau’
Coba’ dong jawap yang betul
Abdi’ teu nyahoeun

(I don’t know apa artinya?)
(Saya ngga’ tau! Aaah)
(Adu masa’ ngga’ tau, I don’t know!)
(Saya ngga’ tau!)
(Bodo lo!)
(Heeh, lo apa gua yang bodo ni)

Memang kamu anak yang pinter
Pinter pinter cuman keblinger
Ngejawap asal ngejeplak
Lamé-lamé entar gua keplak

I don’t know apa artinya?
Sayé engga’ tauuu’
Coba’ dong jawap nyang betúl
Aku ora werúh

(A bodo)
(Heeeh, gué ngladénin orang sténgé gilé nih)


Dasimah

(Pata lembing pata paku)
(Selarat(?) daun delima)
(Biar katé, disruduk kambing abang mati kaku)
(Asal bisa’ idup amé nyai Dasimah)

Aduh-aduh boto(?)
Nyai Dasima, kembangnya Pejambon
Idup… idupnya sengsara, dodoy sayang
Jadi nyai nyai Belandé

Nyai kebedol atinyé
Amé Sami’un kusir sado Tané Nyonyé
Samé-samé jatú cinté, dodoy sayang
Ma’ Buyung comblangnyé

Hayati bini Sami’un,
Sétan ceki, dendem setengah mati
Minta’ tulung bang Uasé, bikin abis
Riwayat Nyai Dasimé, aduuuh

Nyai dipegat bang Uasé
Di jembatan, beléh kulon kampung Kwitang
Dibabat batang lehernyeh, aduuuh sayang
Dasimé tinggal naményéh

Nyai Dasimé ngeglundung,
Glundang glundung, nyemplung ke kali Ciliwung
Sami’un rontok atinyéh, aduuh sayang
Bunuh diri ikut nyemplung

(Dasimah…)
(Biar katé di lautan api…)
(Abang ikut juga’ Dasimah….)

Hayati bini Sami’un,
Sétan ceki, dendem setengah mati
Minta’ tulung bang Uasé, bikin abis
Riwayat Nyai Dasimé, aduuuh

Nyai dipegat bang Uasé
Di jembatan, belé kulon kampung Kwitang
Dibabat batang lehernye, dodoy sayang
Dasimé tinggal naményéh

Nyai Dasimé ngeglundung,
Glundang glundung, nyemplung ke kali Ciliwung
Sami’un rontok atinyé, dodoy sayang
Bunu diri ikut nyemplung

(Dasimah…)
(Biar katé di dunia kité ngga’ ketemu,)
(Di akherat kita bersamé Dasimah…)
(Dasimaaaahhh….)
(Dasimaaaahhh….)
(Dasimaaaahhh….)



Penganten

Bang Mamat ngapé duduk bengong ajé
Malu’ dong tu tamu padé ngliatin
Duh Miné ati’ abang deg degan
Rasényé badan abang padé dingin
Bang Mamat é kenapé
Tampangnyé jadi pucet
Engga’ kenapé-napé
Abang ga’ bisa’ bilang
Entar dikaté apé pengantén sedih ajé
Sedi bukannyé sedi
Rasé dibakar api

Siape tuh yang melototin ayé
Tetamu kenapé merongos ajé?
Aih Miné abang minta’ ampun ajé
Nyang dateng sebenernyé bini gué

(Ngga mau’)
(Íh kenapé ah sst…)
(Oga oga)
(Ayúh)
(Gú kirain lu masih polos)
(Émangnyé gué buku catetan)

Bang Mamat ngapé duduk bengong ajé
Malu’ dong tu tamu padé ngliatin
Duh Miné ati’ abang deg dekan
Rasényé badan abang padé dingin
Bang Mamat é kenapé
Tampangnyé jadi pucet
Engga’ kenapé-napé
Abang ga’ bisa’ bilang
Entar dikaté apé pengantén sedih ajé
Sedi bukannyé sedi
Rasé dibakar api

Siape tuh yang melototin ayé
Tetamu kenapé merongos ajé?
Duh Miné abang minta’ ampun ajé
Nyang dateng sebenernyé bini gué

(Sekarang lú baru ketauan yé?)
(Ssst éh éh éh)
(Dulu lú ngaku’ perjaké samé gué)
(Malú’ dong banyak tamu tuh)
(Terusin kaga’ ni jadi pengantén)
(Terusin dé ah, tanggung)



Tebak - tebakan

Benyamiiiin,
Apéh
Yu’ maén tebak-tebakan yu’,
Ga’ ah, gué lagi nyuci’ béha
Héh, nyuci béha’, malu’ tu didengerin orang
Mang kenapéh? Béha-kan baju dan handuk, heh nak ajé

Ayo Benyamin, nyo’ maén tebak-tebakan
Daripadé daripadé lo repot ajé
Kalo bisa’ kalo bisa’ gué upain
Tinggal sebut tinggal bilang apé maunyé

Coba’ tebak coba’ tebak binatang apé
Palé di kaki, kupingnyé juga’ di kaki
Jangan tebak jangan tebak semau gué
Coba pikir coba pikir binatang apé

Tebakanlú gilé tebakan orang senéwen
Masa’ lé binatang palényé adé di kaki

(Ayo coba’ tebak, apaan?)
(A binatang apé tú?)
(Poko’nye palanyé adé di kaki mulutnyé adé di kaki tangannyé adé di kaki kakinyé adé di kaki)
(Wah gú ga’ tau déh)
(Mo tau?)
(Maú’ maú’)
(Semut keinjek)
(Waiyéé gué kaga’ tau masa’ segitu ajé, sekarang gantian tebak heh)

Ayo Ida ayo Ida gantian nebak
Daripadé bengong elú ngelamún ajé
Kalo bisa’ kalo bisa’ gué upain
Tinggal sebut tinggal bilang tar gú belíín

Coba’ tebak coba’ tebak binatang apé
Palé di kaki dengkulnyé adé di mulút
Maté di puser pusernyé adé di rambút
Kuping di maté matényé adé di dengkul

Tebakanlo gilé tebakan orang senéwen
Masa’ é binatang mulutnyé adé di dengkul

(Ayo lo tebak, botak botak sekarang lú)
(Apaan, dengkul adé di mulut adé di rambut, ga taú’ ah)
(Mo tau?)
(Paan?)
(Binatang ancúr-ancúran, haha)
(Binatang ancur-ancuran, apaan tu ah)
(Binatang ketubruk trek)
(Ééé curang lú orang gilé juga’ bisa’ jawabnyé)
(ahaaaaaaai)